ايمن عبد الله (ابو مصري ) " صياد انــــــا "

ايمن عبد الله(ابو مصري) صياد ________________________انا صياد نزلت اصطاد قلوب وبنات فيهم مجاريح فيهم دايبين وشوقهم مات بقول الكلمه مسموعه بداوي ف اه موجوعه بخليهم بيتمنوا ضيا عيوني بغطيهم بكل حناني وجنوني بوصلهم لقمه عشق ما يحلموا بيه ويتنازلولي عن شوقهم وكل ما فيه واخد اللي انا عايزه ماهي ف حبي مقتوله ولما اشبع اروح وامشي واسيبها بيسر وسهوله واحسسها انها قتلتلي كل الحب وافهمها انها جرحتني جوه القلب وتترجي وتتحايل وتبكي بدمع عينها السود وشايله الذنب واروح وانساها وف ثانيه بدون تفكير والف وادور واشوف غيرها ما هما كتير مبندمشي لكني في ليلي مبنمشي وافكر والضمير يصحي ليه بجرح كل يوم واحده عملت ده ليه عشان واحده خانتني يابيه سابتني بعد ما عشقت نسيم روحها وكنت كمان دايب فيها دوا جروحها راحت للراجل الجاهز فلوس وقصور لكن للحب مش عايز رمتني وسط دوامه فرحت اصطاد قلوب ياما واخلص تاري وانا دمي نازف جوه بدمر كل واحده من بنات حوا لحد ف يوم ماجت ليا بتبكي دموع وحنيه ندم مسموع وأه تشق جوه ضلوع ونظره حب منسيه رماها بعد ما استكفي بتترجي لمين شافها عشان ترجعلي توصلي وناسيه كل ما حصلي ومسكت ايدي تتمني اكون ليها وفاجئتني بكل دموعها ف عنيها وقلت لها لا انسي خلاص معدش ف قلبي ولا نبضه ولا احساس مفيش تاني لحضني رجوع دا انا منك بكيت بالدم ويا دموع وانسي ان كان بينا ف لحظه معاد وابعدي عني احسن لك عشان دلوقت انا صياد