الشاعرالرائع / حســن الشــوان ( لـــو سمحــــــتي )

................................... لـــو سمحــــــتي ......................

لو سمحتي إبعديني عنك
انا مش قد سنك
لو سمحتي انا اكـــبر منك
وزمني غير زمنك
صحيح انا برتاح لك
و أسمعك وأكلمك
وتشتاقي لجواري وحواري
وأفهمك وأعلمك
انا بشتاقلك وبتشاقي لي
و الحقيقة أقولك وتقوليلي
بس متحرمنيش من كلامك
بأرتاح قوي في حوارك
ومتقوليش لحد عن أهتمامك
او تبوحي بأســـــرارك
بحب أسمعك وأناقشك
وما أروعك في وشــــك
و ما أجملك في نقشك
انا ميالك بس الشعر شــاب
ومقدرش أهـــأود قلبي 
و نعيش احنا الأتنين بعذاب
ولا نتقابل ويبقي ذنبي
القبول موجود والإحساس
بس محسوب علينا
والناس مبترحمش النــاس
وسيرتنا ح تبــــكينا
وح نخسر كتير وببلاش
انا سلمت أمري خلاص
ومقدرش أرجع تاني شباب
وبقولك بصراحه وإخلاص
من الصعب ألقا حنانك
وكمـان أوافق زمـــانك
والعشرة ليها حساب
بس نعيش من بعيد صحاب
انا ح بعد عن مكانك
وانت كمان إبعـــدي
ومتحاوليش بلسانك
تتكلمي و لاتتحددي
ولو مرة بالصدفة أتقابلنا 
منخليش اللهفه تشغلنا
ونتكلم عادي ونداري مشاعرنا
لأن مستحيل اهاودك وده اخرنا
.............................. حســن الشــوان ......... موثقة.......