الرائع / عماد عزيز الرسام ( حكاية كلب )

آخر أشعارى "حكاية كلب "
----------------
لما قالوا الهوجة هاجت
كل كلب فى حتة راح
اللى شرّق واللى غرّب
واللى سمّعنا النباح
كلب ناهش عضم أخوه
وكلب كسّر حِسّ ابوه
وكلب فى الزحمة يتوه
وبين الكل ولّى وراح
وكلب لما الهوجة هاجت اختفى
وفات من الايام سنة
وشفنا الكلب ...... ؟
حاى لابس توب حصان
وشعره طويل وكان ناعم
وكان زاعم بأنه حصان
ولابس حدوة مش قدُه
ولا هامُّه .. لا خاله ولا عمُّه
وشايل حزمة البرسيم على كُمُّه
وكام كلبة بَغَت حُسنُه
ومن شافه يعظمله
وناسى انه أصلا كلب
مكان ما يدبّ يتمخطر
وبين كل الكلاب أهطل
ويعمل كل ما بيحب
وفاكر ان برسيمُه
هيشبَّع ضعاف القلب
وهو من ايمتا الكلاب
بتاكل أصلا البرسيم
يا كلب غشيم
بلاش تنسى 
بأنك كنت أصلا كلب
-------------------------
معذرة للألفاظ