الرائع / عبدالواحد محمد ( سؤال يادنيا )

----------سؤال يادنيا ------- بقلم الشاعر عبدالواحد محمد ------ شعر عامى
هل ياترى هترجعيلى ضحكتى
وترحلى يادمعه مره من نصيبى وقسمتى
هتعودى تانى يافرحه تسكنى العيون
والحظ يعدل والفرح ألتقيه فى سكتى
يادنيا بجد هتفرحينى 
ومش هبات بعد كده وبكيه عينى
و الله يحلو الزمان والامان يعرف لى باب
وأنسى الاهات وأنسى العذاب
وألقى الحبايب يدخلو من ألف باب 
أه يادنيا على الجراح وعلى الأسى
اليوم عيونى شايفه كل شئ ضباب
والله ياقلبى هتنسعد وتلاقى خليل
يسهر معاك ويوسيك ويشد أزرك 
وبالحنان يوم يناجيك 
ملعون أبوكى يادنيتى 
يامنسيانى فرحتى وسرقه عمرى 
والشيب ملى راسى والشعر شاب
أيام زمان كنت صغير كنت أعافر
وأقدر عليه اليوم خلاص عمرى عبر
القطر قرب ع المحطه 
ورحلتى جالها الميعاد
الدمعه سكنه ف العيون من كام سنه 
من غدر صاحب أو حبيب 
حتى الأحبه نسيو بابى وودعونى 
والقصد خاب 
أنا لما بسرد شكوتى والدمع ينزل 
تصعب على النفس من الأهانه 
وبينتشر جوه صدرى بركان ونار 
تحرق فدمى وأرجع وأقول أصبر 
ده ربنا قال فى كتابه الصابرين 
ليهم نعيم ليهم مأب 
واله يادنيا لو رجعتى بفرحتى
لالم ناسى وصحبتى وأعمل فرح
وف الفرح هفضل أهنى لقلبى 
على صبره وأنك يادنيا اليوم 
رديتى الجواب