الرائع / حسـن الشـوان ( ونعيش نحلم )

......................... ونعيش نحلم ...............................
دبلت وردتي من بعــــدك
وربنا يصبرني علي بعدك
والحنين بيزيد 
لا ح يرجعك ولا يرجعني
والشوق يقيد 
جوايا يلهلبني ويوجعني
عشان منعت دموعي
العيـــون بتشتكيني
ومين طفا شموعي
و خد النوم من عيني
و كل حاجه تظلميني
كل حاجه أتغيرت
والأفكـار إتبحترت
وبدل ما نعيش حياتنا
قبل العمر ما يمر بينا
ونندم علي ذكرياتنا
و نخلي البعد يدفينا
والحيره تعيش فينا
ليه نقسي علي امانينا
ده الكلام حروفه مهمومه
منقوشه ومش مفــهومه
واحنا ذي ما أحنا
نزيد في جـراحنا
والحل في أيدينا
ونقف لبعض ع الواحدة
كأن الغرام مجاش لينا
حرام .... حرام ...علينا
نحرم قلوبنا من الود
ونندم علي اللي حصــل
ده بيصعب علينا الورد
لما بنلاقيه من حزنه دبل
الأحساس اللي بنا حر
طعمه أحلي من السكر
بيزيد كل ما حبــنا بيكبر
وعايش معانا لأخر العمر
إرجعي وكفاية بعـــاد
إرجعي وكفاية سهاد
تظلميني وأقولك وحشتيني
دارك بيقولك تعالي نورينـــي
............................... حسـن الشـوان ....... موثقة.........