الرائع / محمد فتحي عبد الغني ( بلادنا الحلوة )

أغنية كورال أطفال
بلادنا الحلوة
،،،،،،،،،،،،،
ياجمالها الشمس المصرية
ياجمالها وهيــــــه ع النيل
بنحب نتمشي شـــــــويه
ع الكونيش نضحك ونميل
والتمـــرس واللب معــــانا
ونغني ونســـمع مـــواويل
،،،،،،،،،،،،،،،،،،،،،،،،،،،،،،
ياجمالك يا بلادنا ياحلـــوة
وولادك دايما شقــــــيانة
ع اللقمــــة مابتقعد ثانية
والدنيا بيهم فـــــــــرحانة
عمي صـــلاح بيشكر ربه
وجـــــــــيرانه إدوله أمانة
،،،،،،،،،،،،،،،،،،،،،،،،،،،،
المصـــــري بيحب اخواته
مسلم مسيحي متحدين
ولامـــــــــرة بيحس بذاته
إلا بضــــحكة ماليه العين
وقــــــريب ولايوم يتدارى
ساعة الشــدة قلبه يلين
،،،،،،،،،،،،،،،،،،،،،،،،،،،،،،
والفن المصــري بيشرفنا
كله جمال ودروس بتفهم
عبد الوهاب والست تراثنا
واللي بيسمع مش يتكلم
نقرى لنجيب والعقاد نعرف
ليـــــــــه العالم منا اتعلم
،،،،،،،،،،،،،،،،،،،،،،،،،،،،،،،،
كلمات: محمد فتحي عبد الغني
بتاريخ:7/12/2014