الرائع / عماد عزيز(( اللى بنى مصر ))

اللى بنى مصر 
كان فى الأصل
لا معارضة ولا اخوان
دا اللى بناها
كان فارس - بتاج أبيض
وكان درعه حجر صوان
اللى بناكى يا مصر
كان ابنك - وكان عرضك
وكان منك وكان جوعك
وكان فقرك - وكان غناكى 
وكان واضح ماهوش قاتل 
ولا هو جبان
اللى بنى مصر 
كان فى الأصل 
لا معارضة ولا إخوان
------------------------
اللى بناكى كان فاتل بإيده حبال
اللى بناكى 
كان لافف دماغه بشال
واللى بناكى اتقتل
واللى قتل قوّال
قال ان عرضك مش مُصان
داللى بناكى لا معارض ولا اخوان
------------------------------------
اللى بناكى يا مصر
عمره ما شال فى ايده سلاح
ولو دورتى على أصله
أساساً هتلاقيه فلاح
زرع أرضك وخضّرها
بناها وابنه عمّرها
ونوّرها وكبّرها
وصورها 
وورّا صورتها للعالم 
وصورتها
بتتحاكى بها الأوطان
دا اللى بناكى 
لا معارضة ولا إخوان
---------------------------
شعر / عماد عزيز 8/4/2013