.......حكاية ورواية
============= بقلم عونى هشام
عندى حكاية ابديها منين
شفت رواية وماقريتهاش
كتبت حروفى بدمع العين
وراسم صورة ما اعرفهاش
--------------------------------
اصل حكايتى فيها مراره
فيها حكاوى وفيها خسارة
فيها آلام وشوية اوجاع
وفيها معالم مالها امارة
--------------------------
اما روايتى يا مستمعين
عن جار ليا ومش عارفين
كان الحيط لازق فى الحيط
وكنت بشوفه من الصالحين
---------------------------
فجأه لقيته ومش عارفينه
شال اللحية وسايب دينه
عنده سلاح وفى ايده ازازه
رماها ع الناس والناس شايفينه
-----------------------------------
دمر خرب لحساب مين
وقام بسلاحة قتل اتنين
واحد منهم يمكن اخوه
وطلع يجرى ومش عارفين
------------------------------
اروح لحكايتى اللى بدأناها
عن حكام والخزى وراها
دخلوا السجن عشان فاسدين
قلنا قضية وليها مداها
----------------------------
ولسه حكايتى فيها كتير
مليانه لعب وفيه تقصير
نفسى ضميرنا يصحى فى يوم
نشوف السعد وياجى الخير
------------------------------
ليه القاضى يكون متكتف
عنده أوارق وكتير مستف
كله فاضى مافى دليل
والمسجون ببراءة ويهتف
--------------------------
عارفين ليه
المسجون من عيلة القوم
كان بيقعد ده ويقوم
كانت الشخطة منه سهام
تِطَيَر من فكرهم النوم
--------------------------
لو مسجون فى الاصل فقير
تلاقى اوراقة وكله تمام
والاحكام من غير تقصير
حكم مشدد كله آلام
-----------------------------
نفسى يعود العدل ما بينا
غنى وفقير كلنا انسان
ساعتها مفيش حَد هايهينا
وكل الناس هاتعيش بامان
---------------------------
ممكن يحصل ؟؟؟؟؟
وان ما حصلش هايحصل ايه
هانرجع تانى لظلم جديد
ونشوف واسطة ورشوة يا بيه
والقانون يمكن نلغيه
--------------------------
نلغيه ليه
والاجرام بنشوفه كتير
والارهاب بيزيد وكبير
يقتل اخويا ومرة اخوك
وخراب تهديد مع تدمير
----------------------------
ادى حكايتى وادى روايتى
وفيها رساله لكل وزير
اعبد ربك واحفظ عهدك
غنى ادامك زى فقير
==============
افشوا السلام بينكم تحابوا
ومصر آمنه بامر الله
==============
\\\\عونى هشام\\\\
