أم الشهيد 0000000000000000000000
يا ضنايا يا عمرى
يا بسمتى وفجرى
يا نجمى يا قمرى
ضربوك يا واد بالنار
قلبو حياتى مرار
سالت دماك ع الارض
ظهر دماك توبك
قمت اصلى الفرض
قدرى ومكتوبك
فضيت علية الدار
طب مين يدق الباب
بعدك ما فيش احباب
هعيش كما الاغراب
استنا يوم موتى
عايشة سنين احزان
ريحتك ف كل مكان
موجوعة من الحرمان
تايهة ف ملاكوتى
انا بتباها انا بيك
برغم حزنى عليك
وحزنى على فرافك
يا سنين وحوشتها
واليوم انا خسرتها
ودفنتها ف قبرى
وليلى خلاص هيطول
ما خلاص غاب قمرى
بصرح وانادى عليك
دى روحى كانت فيك
ياضنايا يا ولدى
كنت السند ليا
وحبيبى وعينيا
طب يشيل كفنى
ومين هدفنى
شيفاك ف احلامى
بتقول لى يامابا
فى الجنة ويايا
د انتى ام الشهيد
ساعة طلوع الروح
لقيت عطور بتفوح
ياضنايا حواليا
شوفت بنات الحور
وافقين داير ما يدور
وساقونى كاس ميا
فية الدوا والصبر
ساعة دخولك القبر
وملايكة واقفة صفوف
عشرة ومئات والوف
ع القبر قدامك
وملايكة خدامك
بامر من الرحمن
رحمة ف كل مكان
يارب صبرنى
على بعدة قدرنى
اولادنا بيموتو
لجل الشرف والعرض
اولادنا بيضحو
لجل ما يحمو الارض
ام الشهيد دى الكنز
اللى ابنها فاتو
حافظو على امة
دة ضحا بحياتة
لجل ما انت تعيش
ف عزة وكرامة
ودى دعوة من امك
يكفيك شر الغيب
ولا يتوجع قلبك
ابدا ف يوم لحبيب
اصل الضنا غالى
ونارة لهيب بتقيد
دى وصية من قلبى
من قلب ام الشهيد
بقلم / ميادة عبدالعزيز
