جارى التحميل
استخدم زر ESC أو رجوع للعودة
يا جنين الحب
امتى نبتك يشب فى ضلوعى
رويتك حنانى سقيتك أمانى
سهرت أدارى السهد بدموعى
يا نبت الهوى
يا نبع صافى فى ليل الجوى
يا عمر تايه
فرحت يوم برجوعى
بحبك يا طفل ساق الدلال
ودلالك يا حب فاق الخيال
وحبك يا قلب زانه الجمال
امتى يا عمرى انول الوصال
وأقيد فى ليالى الهوى شموعى
يا رضيع العشق
غنيتك فى ليالى الصبر موال
كتبتك شعر أميرة قصتى
والبطل شارد فى الهوى رحال
رسمتك ضحكة
على جبين الصمت
رسمتك فجر
ينهى سواد الليل لو طال
لقيتك نجم فى خريف العمر
يهدى بالوصل من روعى
يا جنين الحب
رفرف كما الطير
غرد بقلب العصافير
نور قناديل العشق بضلوعى
خالد العطار
