الرائع / محمدعبدالرحيم (( صعب نحلم مرتين ))

صعب نحلم مرتين
............
انتهى ولا اتنسى..
هوه دا 
اللي بنسأله..
الكلام اللي بعنينا..
اوبايدنا نكمله
.............
ابعديها عينيك
قد ماتقدري
فيها دمع لحد ايه
بتحمله
الشفايف ..مهماتحكي
ايه بتحكي
والدموع الغالية
تعرف بس تشكي
واحنا من دلوقت 
فين
خدنا من احلامنا
مين
صعب تانى قلوبنا
مرتين
.............
ايه الجديد..
الدنيا بيننا بمرها..
ايه اللي غير
الحلم يمكن نقدره
كلمة بنقولها بعينينا
نحسها ..
واللي مابنوصلش ليه
نتصوره
لو ايديك الخايفة
تنسى ايديا حضن..
لو بنضحك..
واحنا جوة قلوبنا حزن
لو بنهرب..
من حياتنا ونفسنا..
كل دا واكتر
بياخد مننا
واما يبقى كلام عينينا
بينتهي..
يبقى لازم خوفنا
يبدأ من هنا
الشفايف ..مهما تحكي..
ايه بتحكي
والدموع الغالية 
تعرف بس تشكي
واحنا من دلوقت
فين..
خدنا من احلامنا
مين
صعب تانى 
قلوبنا تحلم مرتين
............
فعلا..من الصعب نحلم مرتين..لأن فى اعتقادي ان الحلم لا يحتمل التكرار..ولذلك ..المفروض اننا مانحلمش اكتر من مرة واحدة..كفاية علينا قوي نتألم..ونحزن..ونندم.. ننجرح ..مرة واحدة..كفاية غلطة واحدة ..دا مافيش غير قلب واحد..وعمر واحد..وروح واحدة
محمدعبدالرحيم