الشاعر المصري / محمد العراقي (( مبارك للمبارك ))

مبارك للمبارك
مبارك للمبارك زعيم أكبر عصابة
مبارك اللي دمر و شرد الغلابة
مبارك يا حبيب و معاك باقي الديابة
مبارك يا اللي بيكم مصر بقت خرابة
مبارك للعدالة أجرت دموع بلادي
مبارك للشيطان اللي قتّل ولادي
مبارك للفساد اللي غل الأيادي
مبارك لليهود اللي عبروا حدودي
مبارك للي باع غازنا لأسوأ أعادي
مبارك للبراءة بعد تلاتين عجاف
مبارك كان ظالمنا ولا يوم علينا خاف
عاش عمره في النعيم و احنا بدون لحاف
كان بيدوس ع الحرير و احنا شوية خراف
و لا كان بيهمه دين و لا تشغله أعراف
سقانا حشيش و بانجو و دفعنا للانحراف
جرف خيرات بلدنا و بعصابته كان سعيد
كان الحاكم بأمره ,كان قاسي , كان شديد
اللي يرفع جبينه يا ويله من الوعيد
ما أخدش يوم قرار منصف و لا سديد
و لما كنا نصرخ يضحك أصله عنيد
كان ناسي إن ربه عنده الحساب شديد
كان ناسي إن قبره رح يدخله وحيد
و لا كان يحلم في يوم يلبس قيد الحديد
لكنه أخد براءة و كان مسرور سعيد
مبارك للمبارك أبو قلب من الحديد
مبارك للبراءة و الحق ضاع أكيد
مبارك يا بلدنا أهو ضاع حق الشهيد
كلمات و إلقاء الشاعر المصري /
محمد العراقي 1 / 12 / 2014 م