جارى التحميل
استخدم زر ESC أو رجوع للعودة
غـــــزالــــه
غزاله ورنت خلخالها فى كل مكان ...
غزاله جريئه وطمع فيها حتى الجبان ..
وفاكر لما يسىء ليها هيكون من الجدعان ..
غزاله وحافظه مكانتها ...
وبين اهلها عارفه غلاوتها ..
غزاله وماشيه بتدلع ...
وقلوب اعدائها من صدورهم بتتخلع ...
غزاله والعيون عليكى ...
وساحره قلوب الكل بعنيكى ..
ليكى طله تشبه القمر ...
واللى يشوفك ينكتب عليه السهر ...
نور النجوم من نورك ...
بتسعدى الكل بطلتك وده دورك ...
مش عارف أكتب عنك وأقول ايه ..
حاسس ان الكلام حسنك كتير عليه ...
واللى ييجى يوصفك يحتار القلم فى اديه ..
مالك على حبايبك تقلانه ...
ده بحضورك القمر ينزل يسهر معانا ..
يا قمر يا شمس يا نجوم ...
ده وجودها بيمحى الغيوم ...
العيون عيون المها ...
وفى الجمال مفيش زيها ...
دى هى اللى الكل يتمنى يقول لها ..
أنه عاوز يكسب ودها ...
غزاله ورنت خلخالها فى كل مكان ..
بقلــــم: عـــادل الشـــهــابى
