بـقـلـم ا لـــشـا عــر أ بــو عــمــا ر ا لــمـصــرى (( قـلــب الـكــون ))

قـلــب الـكــون
شارع 
مفتوح على قلب الكون
وفَـرَح مـَنصوب
شربات 
بيلـِفّ على صوانى 
وكتاب مكتوب
وعروسة ليلتها بلون الفرح 
فستان بتزيـِّنـُه طـَرحِـتها
تطريزها قلوب
وعريس مستنـّى ف علم الغيب 
والقاضى اسبورمن غير عـِمَّـة
لا كـَتـب 
ولا حتى التوكيل
كان له لازمة
ورصاصة طايشة
لأ ... مش طايشة
أتاريه ملعوب
والـفـَرح اتصاب كدة بالسـَّكتة
والليلة بـَقـِت لون العتمة
واتبـَدَل الشربات بدموع
وأغانى بصوت مش مسموع
حكايات بتدوب
وبتحفـُر فى حطان الشارع
تواريخ وساعات
كام واحد م الصَّرخة يفرفر؟
كام واحد مات ؟
مش مكتوب فـَرحـِك يا عروسة
لسة الفرح معاده ما جاش
بـقـلـــم ا لـــشـــا عــــر 
أ بــــو عــمـــا ر ا لــمــصــــــرى