الرائع / سيد صميده (( بلاش اعاتبك ولا الومك ))

بلاش اعاتبك ولا الومك
كفايه اسهر ف همومك
وابات افكر فى فصالك
ويبات قلبى منك غضبان
اخدت على هجرك ليا
خلاص ما عاد فيه حنيه
ولا قلبك يوم حن عليا
دوبنى بقا هجرك ليا
وسايبنى طول الليل سهران
كان ايه جرالك وايه منى
خلاك تسبنى وتهجرنى
وابات وفكرى مجننى
على السبب وليه الهجران
على العموم متشكر ليك
اهجر وغيب وعيش لياليك
ولاقلبى عمره ها يسئل فيك
وان يوم رجعت هاقول باى باى
اصلك اخدت على الهجران
واخدتنى من جنه لنار
سهر وحيره ليل ونهار
وانت ولا كان على بالك
الله يسامحك ويزيدك
وقلبى هايدعى يعنك
ربى على دا الهجران
اهجر يا عم على كيفك
وارحل وغيب على كيف كيفك
لاحد هايقولك فينك
ولا ليه هاجرنى ليل ونهار
اصلى تاعبنى عتابك
ولا يوم هادق على بابك
ولا هاسئلك ايه الاخبار
بلاش اعيد فى القول وازيد
ادام بتخلف فى المواعيد
وكل ليله الهجر يزيد
وعايشها زى ماتكون بتريد
ولا افتكرت فى يوم تسئل
اهجر ياعم وغيب وارحل
ولا هانتظر ولا يوم هاسال
ولا ها نتظر منك اخبار
رفيق القلم
سيد صميده