جارى التحميل
استخدم زر ESC أو رجوع للعودة
طمــــاع
أنت ليه طماع والطمع ماليك ...
وليه دايما عاوز تاخد اللى مش ليك ...
ومش عاوز حد يصارحك ويفتحلك عنيك ...
طماع وقلبك بالكره مليان ...
مش عارف حقوق الاخ ولا حقوق الجيران ...
تشبع أنت ومش مهم مين ينام جعان ...
طماع وعاوز كل الدنيا ليك ...
طماع ومفيش حاجه ماليه عنيك ...
اهدى واعرف ان المال فى الدنيا هتفوته ..
قالوا كتير الكفن ملوش جيوب ..
فى الدنيا هتسيب المال والاهل والمحبوب ..
شايفك على الدنيا مسروع ....
وعلشان المال تعمل اى موضوع ...
طماع وطمعك عامى عنيك ...
وبتحلل كل شىء ليك ...
طماع وفيه منك كتير ...
غراهم الدنيا والعقل ملغى من التفكير ...
أرجع تانى لربك ...
وخلى الكل تانى جمبك ....
بلاش تطمع فى حق الغير ....
واتعامل مع الناس بضمير ...
وقتها تلاقى حبايبك كتير ...
أهدى يا عم الطماع ...
وفوق قبل العمر ما يكون خلاص ضاع ..
بقلــــــم: عـــادل الشــهــابى
