جارى التحميل
استخدم زر ESC أو رجوع للعودة
... انا مين
============ بقلم عونى هشام
مش هاقول انا كنت مصرى
النهارده انا هابقى ايه
مستحيل انكر لاصلى
المصرى بنشاور عليه
--------------------------
ياما شفت الشهد فيها
ويا شفت كتير مرار
واللى مش باين عليها
حضن دافى ملوش قرار
-------------------------
تحسة لو تتركها يوم
تجرى تانى تحن ليها
لو صحيت عندك غيوم
تروح بلمسة من ايديها
--------------------------
بس مين هيخاف عليها
اد واحد مننا
والشهيد اللى انقتل
كان برضة واقف جنبنا
------------------------
مش هايكسر حد فينا
وبرضة هايزيد عزمنا
بس عندى سؤال وكلمة
ياريت نجاوب كلنا
--------------------
البراءة للجميع طب ومالو
بالعدل ناخد حقنا
بس يبقى مين قتل
ومين استباح دمنا
----------------------
شئ مخبى وكله مخفى
يارب عدلك هو بس يظلنا
تعبت من كتر السؤال
ولا حد راضى يدلنا
------------------------
مين انقتل طب وليه
عشان مصر امنا
اللى راحوا وساب جراحو
ودمة يروى ارضنا
---------------------
يبقوا مين حد يجاوبنى
ولا دول مش مننا
الحق يجى طب وفين
تعالوا نقتل بعضنا
-------------------------
المجنى اصبح هو جانى
والجانى اصبح عمنا
الشهيد لو اشوفه تانى
هاقوله روح مش مننا
--------------------------
العدل فين ياربى والقصاص
اللى انقتل مقتول بطلقات الرصاص
وسيارة بيضه شفناها والله كلنا
قتلت كتير مننا طب هيا فين
حد يقولى ولا بس كلام خلاص
--------------------------------
العدل فين الرحمة فين يا بشر
اللى انقتل أقمنا عليه الحد
لانه بحب مصر كان كفر
=================
\\\\عونى هشام\\\\
