بقلـــم: عــــادل الشـــهــابى (( ماكدبوش ))

ماكدبوش
ماكدبوش لما قالوا البنات أحلى الكائنات ...
شفناهم بلبس الجيش وطالبوا يكونوا مجندات ...
وطالبوا يكونوا فى الجيش ويحافظوا على البد دى بالذات ..
تسلموا وتسلم وطنيتكم ....
وتسلم البطن اللى شالتكم ...
الله عليكم يا بنات ...
وأنتم بلبس المجندات ..
والله انتم مش قليلين ...
وأنتم أرواحكم فدى بلدكم شايلين ...
وبلدكم عندكم فى القلب والعين ...
فى البطاقه بنات والفعل رجاله ..
تسيبوا بلدكم ؟ لا ده أستحاله ..
لو نادت عليكم تلقاقم فى أتم حاله ...
بنات والشهامه فى طبعكم ...
ودمكم فدى أرضكم ..
أطمنى وشوفى يا مصر ...
بنات رجاله فى كل عصر ..
نقف كلنا وليهم تعظيم سلام ...
للبنات اللى رفضت تعيش فى الأحلام ..
وعلشان بلدهم قررت ابدا ما تنام ..
قالت العريس الان بلاش ...
مش هنسيب بلدنا علشان بلدنا متسبناش ...
وهبوا ليكى يا مصر حياتهم ...
سألناهم ليه قالوا انتى كل دنيتهم ...
شوفوا يا ناس البنت المصريه ...
للموت فدى بلدها مستعديه ....
تحيه شكر وعرفان ..
للبنت المصريه فى كل مكان ..
بقلـــم: عــــادل الشـــهــابى