جارى التحميل
استخدم زر ESC أو رجوع للعودة
كتبت كتابى عليها
كتبت كتابى عليها ....
والعصمه خليتها فى إديها ...
لأنى عارف إنى مش ههون عليها ...
وكمان أنا الضى فى عنيها ....
ولو بعدت عنها بسرعه بشتاق إليها ...
بين البلاد مفيش زيها ....
والكل بيتغنى بجمالها وحسنها ...
زواجنا مش كلمه وهتعدى ...
لا ده الأرتباط بينا أبدى ....
أسمى مع اسمها مع بعض دابوا ...
وهو اللى علشنها الكل ينسى أحبابوا ..
كتبت كتابى عليكى يا بلدى ...
يا غاليه يا فله يا ورده بلدى ...
يا أغلى عندى من كل اهلى وولدى ...
بلدى ومليش غيرك ..
واتربيت انا من خيرك ...
يا بلدى من صغرى وأنا طالب إديكى ...
وقت ما تنادينى بجرى عليكى ...
وحلفت اكون البسمه اللى على شفتيكى ...
وأكون الأمل اللى فى عنيكى ...
ويكون وفائى ولأئى ليكى ...
مكانك فى الوقت موجود ...
وأنتى اغلى ما فى الوجود ...
أقبلى حبى وأحترامى ...
وأهدى انتى وغمضى عنيكى ونامى ..
بحبك يا بلدى يا أغلى من اهلى ولدى ..
بقلـــم: عـــادل الشـــهــابى
