الكاتبة الرائعة / عزة احمد الشربينى (( بلدى ))

بلدى
.....
بلدى و برغم الجهل ف بعض ناسك
و برغم ظلم حكامك
بحبك يا مصر و عاشق ترابك
غرقت ف دموعى على عتبة دارك
من حزنى ع اللى صابك و اللى جرى لك
لازم ابدأ بالسلام قبل اى كلام
و اقف وقفة احترام تليق بالمقام
قلت كيفك ا ارض الجاه و العز
يا بلدى يا قاهرة المعز
سلام عليكى يا ارض النيل
و الشعب الطيب الاصيل
فيكى كل الوان الجمال و السحر
و اتقال فيكى اجمل ابيات الشعر
و الشعرا احتاروا ف وصف جمالك
يوصفوا النيل و الطبيعه الساحره
ولا كرم شعبك و صلابة رجالك
يوصفوا الاهرامات و الحضاره القديمه
ولا مروءة اهلك و قوة العزيمه
عاش اسلام فيكى بعلمه و امجاده
و الرسول قال فيكى خير اجناده
و متحزنيش لو صابتك محنه
بعزم رجالك تتقلب منحه
و بكره الشباب ينتزعوا يوم جديد
بعزيمه قويه و قلب حديد
واوعى تيأسى يا ام الرجال
انتى هزيمتك شىء محال
جهزى توب الفرح و انتظرى
بكره جاى بالامل بدرى
جايبه شباب مؤمن قوى جبار
لو تدخل الضلمه يقلبها نهار
...................
عزة احمد الشربينى