جارى التحميل
استخدم زر ESC أو رجوع للعودة
Adnan Elmasry
كان صاحبى وأنا صاحبه
على الحلوة وعالمره
كان دايما ينصحنى
بحب كبير معاه خبره
مرض قرب مفيش مهرب
صبح هيكل ده كان زهره
سنين غربة قربت بيننا
مافارقنى فيها وألا مره غربة
سنين بعدت بيننا قاللى
ف يوم هأجيك عمره بس
إدعى بصوت عالى يصلح
ربنا حالى ف دى السفره
تعب قلبى مع فراقه
محتاج له نكشة مع عمره
تاه عقلى مع بعاده
كأنه بكاس شارب خمره
ف الحج فاكر معاه السعى
ورمى جمرة ورا جمره
وف رمضان فطار زمزم
بدايته قهوة مع تمره
رجع أبو منة فى الماضى
قاللى سنين كتير ماره
سنين إيه اللى حصلته
أدينى بأعانى من فتره
على ربى رامى حمولى
راضى اللى قسمهولى
أنا منى مفيش نفره
الدنيا في بتكسر وإحنا
مانعرفلهاش مكسر
كانت قرعة أو حمره
على نفسك تاخد بالك
إوعاك تحسبها جيالك
خد من مرضى ليك عبره
راجع مصر أتعالج بيقولوا
علاجى ف الخارج
راجع قلبى شايل حسره
ولادى خد بالك منهم إ
إسأل عنهم إوصلهم
كون ليهم واحة خضره
مد العون كمان ليهم
كون سندهم إحميهم
من قلوب صخره
جواهم زرعت الخير
ويكونوا سند للغير
وصلاة بعدها مذاكره
الحياة هناك صعبة
إدعيلى وإنت فى الكعبة
إرفع إيدينك الطاهره
قول يارب إحميهم
ولاد جابر وخليهم
يعيشوا حياة بدون كسره
دايما ماشى ف تقوى الله
ودايما لما أعوزه ألقاه
برحمته باعت نصره
خوف من بطشه قربنى
رد على جاوبنى
خوفى كله من بكره
الموت حطيته قدامى
خلاص وبأعد أيامى
وسيرة الموت كمان أكره
عشت زمان أعد ألوف
كرهت الجاه كرهت الخوف
عايش كأنى فى الصحره
كتير م الناس حاسدينى
وف النعمة مقاسمينى
يقولوا فى بلاد بره
بيحسدونى على مالى
ظروفى وكل أحوالى
على الهدمه على الكسره
على مصر تانى أنا نازل
مالازمنى فلوس وألا منازل
علاجى أصله ف القاهره
راح إنقطعت أخباره قلت
أطلب تكون بصره وألاقى
محمد يكلمنى يطمنى
عن أحواله تكون جابره
رد على صوته حزين
مين عايز محمد مين
مين بيسأل عن الماضى
محمد مات وأنا راضى
خلاص النفس منكسره
قلت كتير كان إتحمل
بيه كنت أنا أدرى
من ربه كتير قرب
رب الرحمة والقدره
ضاع ضاعت معاه الدنيا
فاتنى لا كلمة وألا نظره
ليه الدنيا بعدتنا حرمتنا
وإمتى تعود بنا الكره
فى الجنة مع أبو جابر
محمد أصله كان صابر
الجنة دى لقلوب صابره
