بقلــــم: عــــادل الشـــهـــابى (( مش للبيع ))

مش للبيع
فى سوق البلاد فيه بلد مش للبيع ....
حلفت أولادها أنها مش هتسيبها تضيع ...
فى كل الفصول بتلاقى جوها ربيع ..
يا مصر محفوظه من فوق سبع سماوات ...
وكتبوا كتير عنك فى الحكايات ....
عن عدوا أرادك بسوء أهو راح ومات ...
وعن خاين خانك أهو راح من الذكريات ...
مصر للبيع ؟ لالا ده مستحيل ...
ده ولادها أصيله وشربوا من نهر النيل ...
وعن بلدهم أكيد مالهومش بديل ...
مصر حُبك فى قلوبنا محفور ...
وأحنا لسه أطفال فى عُمر الزهور ...
يا بلدى لفيت بلاد كتير ...
أسمعينى هقولهالك والله بضمير ...
بعشق ترابك وعليكى يا حبيبتى بغير ..
مصر أنتى ليكى طبع تانى ...
ونيلك صوت أمواجه ليكى أغانى ..
وليا الشرف أنى بحُبك أنانى ...
مش شايف غيرك بين البلاد ...
ولا ممكن أنسى ريحة ترابك مهما طال البعاد ..
يا مصر بكون فيكى وليكى بشتاق ..
على أرضك اتعلمت يعنى إيه معنى الوفاء ...
مصر يا نبض القلوب ...
لحبك أيوه وبهواكى ...
وبدعى ربى يحفظك ويرعاكى ...
يا وطن عايش جوايا وأنا عايش جواكى ..
مصر يا ناس مش للبيع ...
ولا عمرها فى يوم هتضيع ..
بقلــــم: عــــادل الشـــهـــابى