جارى التحميل
استخدم زر ESC أو رجوع للعودة
البنات
عينى على اللى اتحرم من خلفة البنات
ويا سعده اللى اتكرم بالسكر الشربات
د البنت تديك عنيها والواد يقولك هات
ان مت تحزن عليك والواد يقول اهومات
البنات البنات البنات
البنات سكر نبات
نص الدنيا وحلويات
ان شبت بنتك تخدم فيك
تجرى عليك وتقول شبيك
اطلب عنيا وروحى اديك
ومستحيل هتفرط فيك
البنت منبع للحنية
هى الدنيا واغلى هدية
احلى اخت واغلى صديقة
ابتسامتها ف وقت الديقة
هى الخالة وهى العمة
بتنورنا فى وسط اللمة
اامر وانهى تقولك حاضر
اديك عمرى عن طيب خاطر
نعمة وبشكر ربى عليها
هبه من عنده بموت ف عنيها
دايما بدعى يارب احميها
طول عمرى وافرح بيها
بقلم اسماعيل ذكى
