كلمات الشاعر / عبدالواحد محمد " راحل الوطن على فين "

--------راحل الوطن على فين ----------- بقلم الشاعر عبدالواحد محمد
رحل الوطن -------- لملم دموعه جوه نيله
رحل الوطن ---------- لما شاب من شبابه يخونه
رحل الوطن -------- على أوجاع وهوه بيودع زهوره
رحل الوطن -------- على فكر هدام بيغمض جفونه
رحل الوطن --------- على سكات وأهات وأوجاع وفكر
حرمه من معانى كانت تزينه
============================
بتسألو رحل على فين الوطن
ياكل زارع لغم وقنبله بدل الورود
ياكل قاتل للبشر وكل قاطف
زهره حلو ه وأنتى حبيس الجهل
تقتل الجنود
رحل الوطن بأدين ملاها غدرها
أيدين خبيسه تستحق قطعها
أنا صدرى مفتوح ومستنى رصاصك
يا أعر ناسك خاين وغدرك ملهوش حدود
أنا مش حبيس الجهل زيك تبكى أمك
لما تحرق قلبها على أبنها وتقول جهاد
ملعون وملعونه البطون اللى تشيل ندل
جبان خاين بيحنث بالعهود
========================
أنا شربت الحب وعلمونى أقول حاضر
لما تنادى الأم ألبى فى خضوع
وأدعى تملى لربنا وقت الصلاه
ديما يعزك ياوطن ويارب صونه
---------------------------------
مغرور وفكرك مرض سرطان
وناكر العرفان خاين وبعت التراب
أعمى وعمرك عاجز متفرقش عن حيوان
أسمع وأفهم كلامى ياللى أنتى مش انسان
أنا بقول الكلام وراجل قد قوله
رافع المصاحف ليه جاوب على السؤال
بتعيد زمن الخوارج أيام زمان
وبتنشر الجهل فربوع الديار
قتلو على أيام معاويه من ألف عام
أنا بوجه كلامى لكل قافل عيونه
أنا حقول ومش مهم موتى منتو غدرتو بالوطن
راح تعملو بينا أيه وأنتم عميان
راح نمسك ياكل غادر زى سطر فى كتاب
وأحنا السطور مرسومه وحولينه الدفى
ووطنا عالى الراس والورد يزينه
======================
كلمات الشاعر
عبدالواحد محمد