ليه يتأخر عن مواعيدى
-----------------------------
بحلم بيك وحلمت معاك
كنت فراشى وكنت غطاك
كنت دفايا وكنت هنايا
كنت الروح والروح تفداك
---------------------------
تهت وتاهت دنيتى بيا
وكل ما ليا نسيته معاك
دقات قلبى تدق الدقة
الدقة التانية تقول بهواك
--------------------------
آه يا حبيبى مش لقياك
امتى هاتيجى تشوفك عينى
امتى عينيا تشوف رؤياك
اوع تقول ان انت ناسينى
--------------------------
لو تنسانى مش هانساك
أه يا حبيبى هاستناك
لو ضاع عمرى لو تاه فكرى
هيكون فكرى فيك وهواك
---------------------------
ليه توعدنى وبتتاخر
كل ما تبعد انا بتأثر
كاس المر فى بعدك ادوقه
واشرب منه كتير لا اكتر
-----------------------------
اه يا حبيبى انت حبيبى
ومفيش غييرك
تعالى فى حضنى طفى لهيبى
وكتر خيرك
-----------------------------
اصل البعد آساه بيزيد
بيتوهنى فى المواعيد
بكرا إمبارح ومعاك سارح
وافضل اعد معاه وازيد
------------------------
تعبت ايدى قولى يا سيدى
لو راح تبعد خدنى معاك
مش هاسمح لك تبعد تانى
هتبقى الجانى وانا وياك
----------------------------
احضن بيك لياليا الجاية
واعزف بيك اجمل اغنية
تسعد بيا وافرح بيك
وابروز صورتك جوه عينيا
============
\\\\عونى هشام\\\
