Mona Al-Surrati
.. تغريدة قلق .. بقلم احمد بيومي
قالت لى ..
صارحنى .. انت مؤمن بالله حقيقى ..؟
ولا زى كل الناس دلوقتى ..
ايمانك كده وكده ..
قلت مؤمن واشكر ربى ..
بس الايمان راح يكون حقيقى ..
لو كان نتيجه كثير من اسئله ..
قالت والمكر باين قوى فى عينيها ..
طاب تقول ايه عليا ..
وانا موش بأطيق الاسئله ..
فضحكت وقلت طاب ..
انا جاى علشان معك نفك ونحكى ..
قالت ماشى تمام ..لكن ..
ولو جاى تحكيلى انت عن نفسك .. احكى ..
ولكن لو كنت جاى علشان تحل ليا مشاكلى ..
وتستمتع وانت بتشوفنى وانا بنهنه وبأبكى ..
اسفه ..ارجوك قوم فورا امشى ..
انا موش راح اتكلم خالص ..
فمشيت ..
ومن يومها وانا جوايا متلخبط ..متكركب ..
وموش عارف من تانى ازاى ارجع مترتب ..
وكأنى بلف فى نفس الدايره المقفوله ..
ومع ذلك كل النهايات مجهوله ..
ونسيت كل اللى اتعلمته ..
وكأنى رجعت طفل صغير لسه رايح سنه اولى ..
