قصيدة {قلب واحد} الشاعر محمد فتحى عبد الغنى

قلب واحد

،،،،،،،،،،،

فيها أيه لو كنا قلب واحد

فيها أيه لـــــو فعلا نتاحد

فيه أيه لو نقرب من بعض

ونعيش ونرضي إله واحد

،،،،،،،،،،،،،،،،،،،،،،،،،،،،

الوحـــــدة قادرة تقــوينا

والدمعة تفارق خطاوينا

والفرحة تلمنا من تاني

ولامــــــرة نغير أسامينا

،،،،،،،،،،،،،،،،،،،،،،،،،،

عروستنا أرض مصـــرية

والنيــــــل شريانها وأبيه

وعريسها أسمر مصراوي

ف عنيه الدنيـــــــا وردية

،،،،،،،،،،،،،،،،،،،،،،،،،،

مهما الغدر يغير شـــكله

عارفين برضو في ملامحه

بيقـــــــوينا ولايوم نضعف

طبع وكل العالم عــــارفه

،،،،،،،،،،،،،،،،،،،،،،،،،،،،

وطني يا أغلى ممتلكاتي

أنا علشانك وهبت حياتي

ولايوم أهرب ساعة الشدة

عاشق ترابك لحـد مماتي

،،،،،،،،،،،،،،،،،،،،،،،،،،،،،،،،

كلمات: محمد فتحي عبد الغني

بتاريخ26/11/2014