جارى التحميل
استخدم زر ESC أو رجوع للعودة
انت خا يف
وراسم الابتسامة رسم ع الشفايف
بدليل انك بتبنى قصيدتك
عن الخوف
وخوفك مدد الشوف
يمكن عشان عايز تهرب
من حياتك
من ذكرياتك
من سكاتك
مش عارف
يمكن عشان حلمك جواك متلخبط
وعايز تمسك فيه وتتشعبط
وجواك ضلمة كحل
ومش شايف
يمكن عشان تايه عن نفسك
ونفسك عنك تايهة
ومش لاقى طريقة او سكة
تقدر بيها تقيم بينك و بينها تعارف
يمكن عشان بتلف ف دايرة مقفولة
وبتفضل تروح وتاجى
وتاجى و تروح
بالطول والعرض
وبالعرض والطول
تخبط ف جروح
وبتقع ع الارض
زى المسطول
وتقوم وتتكعبل وتخبط تانى وتانى
وتفضل تتكعبل وتقع على طول
بس انت ممكن متخافش
وممكن تفوق
لو ما تقولش معرفش
وتقدر تفك الحصار
لو مسكت قلمك وكتبت
قصيدة معا نيها بتقول
انا مش خا يف
الشاعر عبد الله الهوارى قنا قوص جرا جوس
