{ماحدش كامل}زجل للاستاذ محمدفتحى عبد الغنى

ماحدش كامل
،،،،،،،،،،،،،،،
ماحدش مننا كان كامل
ولاحتى برضو حايستاهل
نشيله ع الراس ونقوله
كان ليك حاجات تتاقل
،،،،،،،،،،،،،،،،،،،،،،،،،،
كلامك زايد عن حده
وعملك دايما على قده
ولو حانيجي نتحاسب
تعمل خناقة تقول رامبو
،،،،،،،،،،،،،،،،،،،،،،،،،،،،
ليه فنجري ولماضة تكون
ليه تنشري وعامل مجنون
بايع كرامتك ولايوم تعقل
رغم الحياة فانية مابتصون
،،،،،،،،،،،،،،،،،،،،،،،،،،،،،،
إنسان غريب جهله بيسوقه
يدوس عليك ولايرضه بذوقه
كل اللي عامله بيشوف عجب
ويقول كلام تقولش شكوكو
،،،،،،،،،،،،،،،،،،،،،،،،،،،،،،،،
أخرة غرورك أيه يانساي
ياأخي اتفضل اشرب شاي
نقعد نقولك أيه الحكاية
حبة تواضع تعشقها معاي
،،،،،،،،،،،،،،،،،،،،،،،،،،،،،،
حاسب نفسك أول بأول
تبقي حقيقي طالع الاول
ترضي الرب ويكتر خيرك
لو مت بكره العمر يطول
،،،،،،،،،،،،،،،،،،،،،،،،،،،،،،
زجل: محمد فتحي عبد الغني
بتاريخ: 22/11/2014