جارى التحميل
استخدم زر ESC أو رجوع للعودة
عصفور صغير
فكرت اليوم بطوله
أعترفلك بالجميل
ما عرفت حتى أقول
ولا أوفيكم بالقليل
عصفور صغير
عايش في عشه
منزوع الجناح
لا يعرف يرفرف
ولا يقدر يطير
صوته ملهو ش صدى
منبوح الصياح
سمعيتي يا أمي صوتي
حتى من غير نواح
حسيتي بي وجيتى
ولبيتي الندا
قو متى قوام كعادتك
تطمنى و تأمني
من غير كلام
عارفه أنى لسه
معرفش أتصرف
ولا بفرد جناحي للرياح
والصقر فارد جناح
في طريق كله مهالك
لسه بدري.......
كلمة قولتها لي
لكنى من طيشي نسيتها
حاولت أفرد جناحي
أقلد الصقر واحلق
في السما ملئ البراح
فاكر أنى ملكت الدنيا
بأيد يين مكتوفين
وأنى أطير في السما
بجناحين منتوفين
قوام لقيتني وفى عز حلمي
بسقط من العش الأمين
صرختي من خوفك على
سمعك أبويا طار يحلق
يلف الدنيا يدور
يضرب بجناحه الزمن
عايز يوقف العمر
ثواني أو دقايق معدودين
في لحظة كانوا مدين
أيديهم يساعدوني
وبكل قوة يصارعوا
وبكل تصميم وعزم
يمنعوا عنى الأنين
هو بعد الأب أب
هو بعد الأم أم
هما الحنان هما العطاء
هما الأمل هما البقاء
هما الحياة هما الغطاء
أوعى يوم تقسي عليهم
مهما قسيت الدنيا عليهم
كون دايما عون ليهم
مد أيد البر ليهم
ومهما عملت مش
راح توفى حق ليهم
شعر /سعيد عرفه
