الرائع / صبري شومان " يا قلب القلب "

الأسمراني
ياقلب القلب
انا عالبعد مش بقدر 
بدم الحرف راح اعبر 
واقول وحشاني 
وبعادك سهام بتصيب
تاه عقلي وبيفكر 
وحدي لحالي بتصور 
ملامحك راسخة فكياني 
يا اعز حبيب
بكلم روحي وانا ماشي 
ولون الدنيا صار اصفر 
كأني فصحرا او عايش 
لحالي غريب
وبستني السما تنور 
يوم ما تجيني ياحبيبي 
واضمك جوة احضاني 
بغنى وترحيب
وافرش ورد متعطر 
تمر عليه وتتغندر 
وابوس خدك وابوس يدك 
وتبقى قريب
ياقلب القلب انا بسهر 
ومتلخبط ومتحير 
ملكني الخوف 
واحساس الفراق دا مريب
حبيب القلب ريت تحضر 
وادوق الشهد والسكر 
اخاف تفضحني كلماتي 
يقولوا عيب
ومحظور الغرام عسكر 
تشوفه الخلق تتغامز وتتمنظر 
لكن حال الاحبة عجيب
وقوانين الغرام تسحر 
قلوب عشاق وبتسيطر 
على فلاح على صانع 
وحتى اديب
قلوب بالهمس بتفسر 
تحكي العين لو تنظر 
لغة تترجمها احاسيسنا 
بصمت رهيب
ياريت الدنيا تتجمع 
على جزيرة وتتجمهر 
ولا نسافر ولا نبعد 
ولا شنطة ولا ترتيب
غرام في غرام 
بلا حاجز بلا معبر 
ولا نغضب ولا نفكر
ياخلق الحب والله طبيب
ولو شوفتوا كلام عنتر 
وعمي نزار وصف اكتر 
ونبض القلب لا بيعرف 
رقيب وحسيب
ورب الكون 
زرع فقلوبنا عود اخضر 
نرويه بمشاعرنا 
بيطرح شوق 
ونار ولهيب
حبيبي تعال
حالي بجد متدهور 
وبستناك تعود تاني 
رحيلك والله امر صعيب
صبري شومان