{يعنى ايه} الشاعر خالد العطار

يعنى ايه صبح ييجى ميلاقيش وجودك

يعنى عتمة روح فقلبى ابعد من حدودك

يعنى شمس مرسومة عالورق بلا روح

يعنى وجد وسهر ودمع سايب فى قلبى جروح

يعنى ايه كلمة بحبك لو سمعها قلبى

يعنى نور وشط مرساه جوا فلبى..

يعنى بسمة روح منورة دربى

يعنى شمس طلت ونسمة هلت

وغيمة ملت دابت بهمس الروح

يعنى ايه صبح ييجى وانتى جنبى هنا

يعنى قلبى وقلبك طيور فى جنة ربنا

يعنى بحبك يا نور القلب يا ملاكى أنا

صباحك سعادة روح وشوق مكلل بالهنا

خالد العطار