رائعة الكاتبة / مياده عبد العزيز **غمض عينك تلقى حاجات **

غمض عينك تلقى حاجات
ماتشفهاش غير جوة الحلم
المس جسمك رح تتاكد
انك بتمثل ف الفيلم
اول مشهد كان لخيانة
البطلة حزينة ومنهانة
من اشخاص قاسية وجبانة
ودمعتها تحكى حكايات
وقفها الشيخ من الجامع
قالها شايف قالها سامع
ظلمك واللة دة كان بايدكى
وماتبكيش الحق عليكى
رد عليها بسرعة وقال
بس اتغطى بسرعة امال
وانا عندى زوجة وعيال
رح اخدك ونروح عنديهم
تقعدى تتغدى ف وسطيهم
وتحكي لى كل الاحوال
وانا متاكد انى هسعدك
اوعى تخافى انا من دور جدك
بس بسرعة اوام امال
قاعدة بتحكى جوة الاوضة
والشيخ حيران رايح جاى
مرة يجيب القهوة بايدة
ومرة بيعمل هو الشاى
كل ما تتكتم عن حاجه
بستغرب ويقول ازاى
اصل دة ولا شيخ ولا حاجة
من انصار رايح مش جاى
اة يافريسة اة ياحبيسة
قلبى معاكى ولا اعرفلك
حتى طريق تخرجى
من الكهف ده اذا ى
الديب قرر يجى عليها
وبدا يتغزل ف عينيها
قالت ارحم د نة مسكينة
وف قلبى يجى ميت سكينة
قالها ارحم مين يا حزينة
د نتى هنا ف ضيفتى الليلة
قالت ربى هينجينى
من قسوة قلبك يحمينى
فجاة البيت قام فية زلزال
راحت تجرى قوام تتشاهد
وربك ف اللحظة دى كان شاهد
واتحول البيت لدمار
وليلها واللة طلعلة نهار
اصل دى حكمة من الجبار
الا ينادى ويقول ياعليم
ربك دايما بيقا كريم

بقلم مياده عبد العزيز