المتألق / سعد المهدي في رائعته ** حتى الذكريات **

وأحلام وأمال .. علو جبال .. طاحت من كتر الهزات 
ونوعية قلب .. لا صَدَق ولا حب .. ولا دق أي دقات 
وغدر وخيانة .. وعدم امانة .. خارج نطاق الحسابات 
مش هقول : انك .. عذبتني .. جرّحتني .. عرّضتني .. لكل انواع الصدمات 
لا انت كمان .. دمرتني .. وجعتني .. سرقتي .. وسرقت مني الذكريات 
كل الاماكن اللي زرتها .. كل الليالي اللي عشتها .. كلها عمري اللي فات 
كل الكلمات اللي قلتها .. كل الضحكات اللي ضحكتها .. كلها كانت لها علامات
جيت بغدرك بدلتها .. ضيعتها .. مسحتها .. وخليت مكانها فراغات 
كنت فاكر اننا .. لما يطول عمرنا .. وحنا مع بعضنا .. هنحكي عننا .. حكايات وحكايات 
دلوقتي اعمل ايه .. والا امتلك ايه .. والا اقول ايه .. وانا ما اصبح عندي .. حتى الذكريات
حتى الذكريات .. اشعار .. سعد المهدي
أشعار غنائية - سعد المهدي
مؤلف