جارى التحميل
استخدم زر ESC أو رجوع للعودة
سالومى
صباح اِل اِيه ياسالومى
صباح تاريخ وهتدومــى
غواكىِ لـــــــقتل يوحنا
سواد قلبك ولا تلومــى
ودا فعلا سواد حالــك
ودا زادك فى ترحالك
على مرمىَ سنين عُمرك
مع الاندال بتحومــــــــى
اِيدين متخضبه بالدم
ودم عليكى كان يندم
مالى عيونك
مالى ودانك
فى نهرالدم بتعومـى
ورأىِ فيك ياسالومــى
مع علمى ومعلومــــى
كده انت وكمان امـــك
حرام فيكم يكون لومى
وليه لومي اقوله لنـاس
بدون رأفه ولااحسـاس
وليكى م الزمان لعنـــة
مثل سئ وهــتـــدومى
وقولتيلـى وايه يعـــنى
ياريت تـهدا وتسمعنى
لاقيت امـــى مع عمى
وعيت ألغد من يومــى
ونفسى عرضتها ليحيـا
نبيى الله فا ستـحــيــــا
وزاد حُنقى وزادغِلـــــى
وعف ورد لى هدومـــى
وهو انتى ماليكـى ذنب
ياعاصيه الانبيا والــــــرب
صحيح اِلّى اختشوا ماتو
مش انتى كُنيتك رومـى
الشاعر الامير محمد على
