جارى التحميل
استخدم زر ESC أو رجوع للعودة
(((رب البيت)))
يا عبله اسمك مع ِشِعرى
ولبه ينادوكى خدامة
كتبتك فصحى مع نثرى
وعمرى ما قلت يا ندامة
---------------------------
عشان قايمة بشغل البيت
غسيل مكوى طور ربيت
ولما انده واقولك شاى
تجينى تقولى انا لبيت
--------------------------
حرام والله يا عينيا
دى بنت احساس وحنية
وليها قلب زى الناس
وبرضة فنون ملاغية
-----------------------
يا عبله قوليلى عملتى ايه
وليه بتشاغلى ابن البيه
ابوه جانى وطلب منى
بلاش تتعدى تانى عليه
--------------------------
(((الخدامه)))
يا بيه يا بيه حوش عنى ابن البه
شاغلنى روحه مع جيه
ولما نويت اشكى لابوه
سبقنى رمانى بمعصية
-------------------------
انا غلبانه ووليه
معاكم كام سنه فى البيت
حطة ولادكوا فى عينيه
وعمرى ماقلت يوم يا ريت
----------------------------
(((رب البيت)))
خلاص يا عبله ليا حساب
هاطين عيشة ابوة والشاب
كان فارد ريشة عليا
لكن اليوم هارده جواب
---------------------------
انتى يا بنتى فى عينيا
لا اسمح يوم لكى اذية
هاجيب لك بكرا جوز جلباب
واجازة منى لكى هدية
-------------------------
يا ابن البيه يا متربى
لولا فيك اخاف ربى
لكنت عملت فيك سويت
دى افعالك ومش ذنبى
---------------------------
الخدامة انسانه كفاية حرام
حرام نوصفها اوصاف
فى يوم تنداس
عاملها زى اولادك
تعلى باسمك مابين الناس
-----------------------------
ياريت الناس يعاملوها
مع الاحساس
وهيا تغطى واجبها
بكل حماس
بلاش نرميها بالالقاب
تلاقى الحب فى عنيها
هو اساس
==============
\\\\عونى هشام\\\\
