جارى التحميل
استخدم زر ESC أو رجوع للعودة
ارجع اقول ولدى كلوه الديابة
ولا باعوا دمه فى سوق النخاسة
دى امك حدى الساقية قاعدة مستنية
حافظة خطوتك فاكرة ضحكتك
وبيها مستقوية
خابزة عيشها ومربيالك
جوزين حمام وبنية
ناوية تفتح للافراح مساحة
مستنياك فى يوم الاجازة
وعروستك بأنتظارك
وبالكف متحنية
للفرح مطرزة فستان
وليك بدلة وجلابية
ناوية يكمل حلمكم
ناوية تعيش السعادة
الكل فى انتظارك
عمك واخوك وخالك
لجل ما يفرحوا بيك
والزفة تحلالك
وتعلى الضحكة بزيادة
ارجع اقـــــــــــــــــول ايه
بدل الزفة راح يندفن
بدل البدلة لبس الكفن
اااااه يازرعة عمرى وشقاى
اااااه يافرحة قلبى ومناى
كنت فاكر عليك اتسند
كنت عاملك عكازى وعصاى
عود اخضر نباتك
عمرك قصير من بين اخواتك
قلوبهم عليك قست
كسروا ضهرى قلعوا قلبى
وقتلوا ضحكى وغناى
ريحة دمك زاكمة انفى
والعين باكية ودمعانة
يا حفار احفر قبره بهوادة
جايلك عريس زين
ببدلة وبيادة
ادفن عمرى وياه
ما يكفى وزيادة
عود اخضر نباتك
قطفوا زهرة شبابك
نبوت الحق تكسر
وزادوا فيه الشماتة
كنت اربى فيك واكبر
معرفش ان الغدر فيهم ساكن
قولوا للاحبة زفوه
واوعوا تنزعوا من رجله البيادة
دى حامية الوطن فى وش الخطر
دى جواز السفر دى عنوان الشهادة
دى رمز الطهارة والحضارة
دى التحدى والارادة
أرجــــــــــــع أقــــــــــول ايه
اقول الوطن خلف عفن
قتل حلم الغلابة
ديابة بتصرخ فى عضامنا بتنهش
بخسة وبلادة
رافعين المصاحف فوق البنادق
والدين منهم براءة
راكبين المنابر صارخين بالحناجر
وقلوبهم فيها السيادة
اقول خانوك يا وطن
قبضوا فيك الثمن
من التركى واليهودى والخواجة
وكل دا ليه عشان كرسى
عشان تبقى ليهم الريادة
يا ولدى نام واطمن
ليهم مش هنسلم
وان كانوا بغدرهم لحقوك
وصفوا دمك وخانوك
باقى انا وباقى اخوك
طالبين نلبس البيادة
عشان الوطن عشان السكن
طالبين الشهــــــــــــــــادة
لجل السلام ونهاية للاحزان
لجل اللى جاى بكرة والزمان
لجل نخلص من كل الديابة
بالوحدة والتحدى
مركبنا هتعدى
هتنتصر الارادة
هنطر وطنا من كل صنوف البلادة
دة التفاحة الفاسدة
تفسد ارطة وزيادة ..تفسد ارطة وزيادة
ابو العبادى
