رغم الزحام بقلم الشاعر صبري شومان

الأسمراني

رغم الزحام

رغم الفضا رغم السما
رغم الهوى رغم الصحاري
الدنيا من غيرك هوان

رغم البشر رغم الشطوط
رغم المواني والسفر
الدنيا دي اربع حيطان

رغم المناظر والصور
رغم المواعظ والعبر
بعدك الم
والتراب كاسي المكان

رغم الزهور رغم العطور
انا حسي صاب حسه الضمور
والغيام في سمايا بان

رغم الزحام
رغم عصافير الشروق
ازاي يجيني نفس ادوق
حتى لوشهد الزمان

رغم السفن رغم البحور
قلبي اندفن وسط الصخور
هو في بعدك حنان

رغم الصحاب
رغم القرايب والوطن
مش لاقي غير حضنك سكن
ومكان امان

صبري شومان