يوم ألأمتحان بقلم الشاعر الوجدان الشاعر السكندرى / على الطاووس

أغنيه دينيه بأسم /// يوم ألأمتحان
الكتب الدراسيه دول للمذاكره فى الدنياه ديه...
و الصلاه و الصوم و العباده...
للنجاح و دخول الجنه...
فى السما و دول بقى اللى مالهومش ديه...
و أنت يا بنى أدم يا مسكين...
ده النجاح فى الدنياه دى هو أهون شيئ تقدر أنت عليه...
بس بشوية مداديه...
لكن أمتحان ألأخره ده ماتقدر عليه غير القلوب المؤمنه الصافيه...
ولها الصواب من عند ربنا...
و يوم ألأمتحان...
يكرم المرء أو يهان...
و ياعالم بمكان ألأمتحان...
ح يكون أبتلاء فى الدنياه و لا فى ألأخره...
و أمتحان الدنياه أهو مقدور عليه...
و أنت عايش على وش الدنياه...
و لكن ح تعمل بقى يه يا مسكين فى أمتحان ألأخره...
لما تاخد رقم جلوسك كفن و قطعة قطنه...
و لجنتك تبقى جوا قبر و عليك لوحدك أتقفل...
و المراقبين عليك فيه ملائكه نازله من السما...
و هما أربع اسئله...
ح تتسألهم و ربك بيهم ح يكتفى...
1_من هو ربك...
2_من هو الرجل الذى بعث فيكم...
3_و ما هو دينك...
4_و ما هو كتابك...
جاوب بقى يا بني أدم...
ياللى ملكت الدنياه...
و لا بصيتش و عملت حساب لأمتحان ألأخره...
أديك أهو مزموم فى دى اللجنه...
و الدنياه اللى أنت ملكتها أهى بيك مش حاسه...
و لا عنك سأله...
مين بقى ح يغششك فى دى اللجنه...
و مين دلوقتى لأوامرك ح يطيع...
و لا منك ح يختشى...
و لا فى مال و لا سلطه و لا جاه ح ينفعو فى دى اللجنه...
دول مالهومش عازه دلوقتى...
و لا ح يشفعولك مع ملائكه جايه بامر من رب السما...
نازلين ليك فى المنزله...
لياخدو من ألأجوبه...
يا بنى أدم يا مسكين...
أنت عارف قبلا...
أتحطيت فين...
فى قبر بابه رمل و زلط...
و ظرف ألأسئله مختوم لختم رب السما...
و فى القبر الملائكه أدهولك انت...
ظرف ألأسئله...
أفتح بقى و جاوب يا تنجح فى لحظتها...
و تصعد وياهم معزز مكرم للسما...
يا أما أنا خايف أقولك أن اللجنه دى مالهاش ملاحق...
و لا حتى ينفع تعيد فيها السنه...
و ح تبص تلاقى نفسك مخسوف بيك لسابع أرض...
فى أقل من ثانيه...
و ح تبص على جاهك و سلطانك و نفوزك...
ح تلاقيهم مورثين من غيرك...
و أسمك من عليهم كمان اتمحى...
و اللى ورثوك دول يا دوب ح يقعدو ينعو فيك...
و يعيطو عليك و يفتكروك يادوب يومين...
و أحتمال أكيد ما يكملوش ألأربعين عليك...
و حياتك كلها من بالهم ح تتنسى...
ذاكر بقى يا بنى أدم يا مسكين...
قبل ما تسقط فى اعمال السنه...
و يضربوك فى القبر الملائكه بالمقرعه...
و تلاقى القبر ضاق عليك...
و ح تندم فى وقت ما ح يفيد فيه الندم...
و يطلعلك من ألأرض الحنش...
و لا عمرك ح تشوف من تانى السما...
و فى ظلمة القبر لآخر مدى تتحبس...
ده طبعآ غير عذاب ألأخره...
و نهايتك ح تبقى فى جهنم تنشوى...
يبقى تذاكر أحسن...
و لا تقعد تلعب فى الدنياه طول السنه...
و يوم ألأمتحان...
يكرم المرء أو يهان...
و يا عالم بمكان ألأمتحان...
ح يكون أبتلاء فى الدنياه و لا فى ألأخره...
و أمتحان الدنياه أهو مقدور عليه...
و أنت عايش على وش الدنياه...
و لكن ح تعمل بقى يه يامسكين فى أمتحان ألأخره...
لما تاخد رقم جلوسك كفن و قطعة قطنه...
و لجنتك تبقى جوا قبر و عليك لوحدك أتقفل..
و المراقبين عليك فيه ملائكه نازله من السما...
و هما أربع اسئله...
ح تتسألهم وربك بيهم ح يكتفى...
1_من هو ربك...
2_من هو الرجل الذى بعث فيكم...
3_و ما هو دينك...
4_و ما هو كتابك...
جاوب بقى يا بني أدم ياللى ملكت الدنياه...
و لا بصيتش و عملت حساب لأمتحان ألأخره...
مع تحيات شاعر الوجدان الشاعر السكندرى / على الطاووس