يلوموني من اعاتب ياوطن مجبور
ليش اتغزل وماشفت منك شي
شو هو بلاش شتعبك بالماي
الطيور عله نهرينك يجدن مي
وآنه اندلة دربك بس كمت مااشوف
يالمن عيني الك يوميه منطي صبي
لخاطر زينب نفرح الشمس لو يوم
وتصير ام الفضل عالميت وعالحي
وعلي لو عالسمة ندك قطع اليموتون
جا منانة للطف كلهة صارت في
امنيتي بكاعك امشي ومااتلفت يوم
ولا احسب حساب بلحظة لهل الغي
كاعك حمرة وانته بحجة الخجلان
لشبابك فصلت من لون دمك زي
وما كفة لنذرنة تزاحم الشباج
وعكدناهة ونفلهن من يرد مفقود
ولتصدك خضار البالشجر يعراق
انتبه تلكة الك 100 علك مشدود
يم ملكة الأبن لو مو عجوز تصير
جنها حديثة تركض لو ابنها يعود
يالعندك كلب كدامه كلشي يهون
بتفكيرك الجيلة جنهة بزة عود
بدفنتهم شبابك جنهم معرسين
النجف صاحت هلا ووردت بيها خدود
ومن شك الجفن من كثر ما ترفين
استحه من شم عطرهم ماوصلهم دود
للقصيدة بقية...