انّات امرأة
...........
تعبت كتير و صرخت كتير من جوايا
حاولت اشرح و اقول يا ناس كده كفايه
لا حد سمع ولا حد قال مالك
ياللى خسرتى كل احلامك
قضيت حياتى ف سكه كلها اشواك
حافيه و شفت الموت قرّبت ع الهلاك
اصرخ و صوتى مش طالع
ابكى و دمع الظلم نار والع
نسيت الفرح بس رسمته على وشّى
ادارى الوجع لحد ما الناس تمشى
اتعوّدت طعم الاحزان
اخبى الالم و شاطره فى الكتمان
و لسه عايزنى ارجع زى زمان ؟؟
قول للزمان ارجع يا زمان
............
عزة احمد الشربينى