الأسمراني

روح ياشوق

الإجابة في الغرام
نظرة عيون
ساعة رضا
لحظة حنان

والمشاعر كلها الغاز بتسأل
والجواب تلقاه في لمسة
مش ضروري باللسان

والدموع تبقي ابتسامة
بحضن دافي
واسألوا الطير والشجر
وقت الأذان

لو بيحكي بصوت
يقول الله اكبر
خطوة ولا عزف الكمان

روح ياشوق
وصل لحبيبي كلمتين
فيهم معاني
مش هتحتاج ترجمان

قوله قلبي والله عندك
اوعى يوم تغرق في عندك
او يصيب عقلك جنان

يا حبيبي
القلب حبك
وابتلى بهواك وقربك
رد ياقمر الزمان

يلا هل بنور عيونك
مش مهم يبان جنونك
ياحبيبي اظهر وبان

صبري شومان