(( آه يا هـــوى ))
كلمات : ممـــدوح حـــنفي
...................................
آه يا هوى سهرتنا .. و عشنا ويل السهرانين
دا حبيبنا مش هنا .. فايتنا للشوق و الحنين
إن كان صحيح عاشق يقول
و إن كان ناوى يفـارق يقول
وبلاش يفوتنا لدمعنا .. عــ الدمع مش متعودين
آه يا هـــوى سهرتنا .. و عشنا ويل السهرانين
............................................................
لا العــين بتتهنا بمنام
من يوم ما ساب حبنا
ولا مــره بيرد السلام
علشان يطمــن قلبنا
إمتى هيجى عندنا .. دا إحنا عـليه متلهفــين
آه يا هـوى سهرتنا .. و عشنا ويل السهرانين
............................................................
أمــانه عـليك يا حمـــام
توصـــل دياره بـ السلام
بلغه سهـــرنا والأحـلام
إحكيله عن اجمل غرام
ومعاك رسايل وجدنا .. دا إحـنا ليه متشـــوقين
آه يا هـــوى سهرتنا .. و عشنا ويل السهرانين
............................................................
صابرين و عمـــر الصـــبر طـال .. صــابرين
ســـهر و حـــيره و شـغل بال .. صــابرين
خلص الكلام و إنتهى المـوال .. منتظرين
تلبية النداء و إجابة الســؤال .. منتظرين
المنى و الهنا وحبنا .. و العشره وذكرى السنين
آه يا هــوى سهرتنا .. و عشنا ويل السهــرانين
.............................................................
....................(( ممدوحيات ))....................