ساعات الحب
ساعات الحب .. تعدي .. دقايق .. في عمر الزمان
اه .. يا حبيبي لو بيدي .. أوقف معاك .. ساعة الزمان
دَ الحب .. جنـاين وردي .. تزَيّن أجمل بستان
عشقتك وانا فاكر .. الحب عذاب وهجر وأنين
قبلك .. أنا كنت مهاجر للحب .. وبقالي سنين
لقيتك يا حبيبي .. ولقيتني .. حبيتك .. يا حبيبي .. وحبيتني
وبأجمل حب .. خلَّيتني .. سلطان .. في دنيا العاشقين
لِيه بعدت و خلّيتني .. وحدي مع الحرمان
الليلة والله هتعدي .. ساعات من طول الزمان
ساعات الحب .. تعدي .. دقايق .. في عمر الزمان
اه .. يا حبيبي لو بيدي .. أوقف معاك .. ساعة الزمان
****************
أول ليلة .. أسهر وحدي بعد ما عرفتك .. وشفتك يا حب
وصار الحب .. سعدي ووَعدي .. وفرحة كبيرة .. ماليا القلب
الليالي كانت .. في قربك جنة .. ليالي زفاف .. وليالي حِنة
وتمر الليالي .. فرحة معاك .. ويفضل قلبي .. عريس فـي هواك
يا للي نورت .. بالحب ليلي .. حسيت الدنيا معاك امان
انا ياحبيبي .. معاك ليلي .. بنسى فيه .. كل الاحزان
ساعات الحب .. تعدي .. دقايق .. في عمر الزمان
اه .. يا حبيبي لو بيدي .. أوقف معاك .. ساعة الزمان
****************
يا للي القسمة .. قسمت لي .. أحبك .. أنا يا حبيبي .. في هواك أسير
ياللي البسمة .. رسمه الشفايف .. تهمس الهمسة .. قلبي يطير
تمر النسمة .. تقول : علي خدك .. سبحانك ! .. يا للي نعَمك كتير
يا للي الحب مخلوق .. علي قدك .. كل الناس منك .. تغير
أنا يا حبيبي .. بتمنى قربك .. واتمنى معاك .. لأخر الزمان
ساعات الحب .. تعدي .. دقايق .. في عمر الزمان
اه .. يا حبيبي لو بيدي .. أوقف معاك .. ساعة الزمان
****************
اشعار غنائية .. سعد المهدي