ليه .....صفاء عبد ربه

ليه بنتعود ع الألم
وبنعشق الأنين
ليه دايما محرومين
من الحب ومن الحنين
ونستكتر علي نفسنا الفرحه
في الزمن الضنين
ليه
ليه بننسي بكره
ونعيش دايما مع امبارح
نتخاصم ونتصالح
نزعل ونتصارع
ولما نجرح بعض
ما بنقدر ليه نتسامح
ليه
ليه لما يجينا الفرح
بنتمرد عليه
ونقول الفرح مش لينا
وعمر الدنيا ما تدينا
ولما الحزن بيجينا
بسرعه بنولف عليه
ليه
ليه بنستطعم الدمعه
وهيا سايله ع الخدود
يتحرق مكانها وتعلم
تلازمنا العمر كله
ولينا مايوم تفوت
وتمحي من ع الجبين
الفرحه سنين وسنين
وتقول الدنيا ماهي سامحه
ان نكون فرحين
وتتمسح من الشفايف الفرحه
بدمعة شوق وحنين
ونتعود علي الألم
ونعشق دايما الأنين