قصة وحدوتة بقلم الشاعر سعيد العزازى

............ قصة وحدوتة ...........
نقول تحلا نقول تصفه وابدا ليه
ولا بتصفاش !!
رغم اننا ماشين على الوصفه واخر
لطريقنا مبنلقاش !!
نعيد حسباتنا من الاول ونرجع تانى
م الاول !!
نلاقى طريقنا مسدودة ونلاقى العمر
راح ببلاش !!
ومين اللى بس رسانا من الاول
على الفولة !!
ومين بس اللى قال لينا ف زمانا
كلمة معقولة !!
وشوش كاذبة بكلام كاذب ورا
شاشة مئجورة !!
وحياه شينه اخره هباب وناس
فيه مسحولة !!
فمتقوليش ياعم اصبر وتفضل
تغنى عليا !!
ماهى قصة ومعروفة وحدوته من
اوله منهيا !!
فمتقوليش حوار مفقوس وتطبل
لينا وتغنى !!
وتتكلم كلام معسول انا خلاص
فاض بيا !!
لقمت العيش بأهانة متعاصة
زل ومهانة !!
وخلق طافحة المر والكوته مرمية
جوا عجانة !!
تعجنهم مع اوجاعهم ويصرخو ما
حد يسمعهم !!
م هى ناس مرمية ع الهامش وسط
خلق خوانة !!
سعيد العزازى