من ديوان تجار الحب .

محتجالك

بقلم محمد البلاط

محتجالك محتجالك محتجالك

محتاجه لو لخيالك يواسينى

او بطيفك تجى تصبر حنينى

طال غيابك زاد عنادك

زاد ضنيا وزاد انينى

محتاجه الحضن الحنون

محتاجه لنظره فى عيونى

تمحي لى كل ظنونى

عقلى هيشت بجنون

كل فكرى ايه جرالك

ايه اللى شاغل عنى بالك

وامتى تانى راح تجيلى

محتجالك ياللى رحت وغبت عنى

والضنى سهرلى عينى غصب عنى

والضلوع تبكى لشوقها لضمها

من حنون كان بأيده بيلمها

ليه رحلت وسبتها

مشتقالك

ولأحتياجى بأرمى خطاى فى ريح

قاصده اشوفك ووصالك واستريح

قلبى نبضه ولهفته

وكل حيرته فى سكته

ملهوف عشانك

عطشانه لمحبتك

ياللى طالت غربتك

دفى فرشى وهز عرشى

وكاس منايا حرمنى منه بغيابك

حاسه بيك بين الضلوع

رغم بعدك وغيابك و بغيابك

محتجالك

لو بغمض عينى لحظهه

اشوف طيفك وخيالك

على الجفون يمر مر

بذكرى لقلبى بخصالك

لا الدموع بتواسينى

ولا نوحى ليا جابك

قلبى نبضه ولهفته

وكل حيرته فى سكته

ملهوف عشانك

و ارمى خطاى فى ريح

قاصده اشوفك و وصالك

و قلبى من شوقه فى نبضه

يصرخ اللهفه عشانك

وكل حيرته فى سكته

الطريق ووصفته وعقلى يتبع الاثر

والحواس مشدوده ليك

كلى ملهوفه عليك

محتجالك محتجالك محتجالك

محتجالك محتجالك محتجالك