#توتا بحبك
- شوفتى ياتوتا بيقولوا ايه
ان الحب كبرت عليه !!
وانا ع الدرب الحب رفيقى
ياما سهرت الليل اناجيه
-دا انت يابابا ف حبك لينا
كل الناس حاسدينا عليه
زعلان ليه
-اصل ياتوتا الشعر شاب
بعد ما شاب ودوه الكتاب
-بس يابابا القلب شباب
تقولى كبرت كبرت دا ايه
دا انت يابابا اللى معلمنا
حبك هو اللى بيسعدنا
دا انت وماما ف الحب حكايه
اجمل قصةٌ و1000 روايه
-قوليلى ياتوتا اعمل ايه
-بص يابابا انا هكتبها
وهطبع منها 1000 كتاب
لأجل الناس يتعلموا منها
دا اللى يعيش من غير ما يحب
حياته عذاب ..
-توتا يابنتى انا مش عارف اقولك ايه
-ايوا يابابا قولى بحبك
واوعا تقولى ان الحب كبرت عليه
#مجدى النويهـى
أعجبني
