الانثى
..........
لقيتها صدفه و انا ماشى ف طريق الحزن
تبكى و تتنهد زىى ما يبكى طفل حزين
سألتها ايه اسمك ؟ قالت انا الانثى
و الدمع يجرح خدودها نازل مطر من كل عين
مصدقتهاش و عدت عليها السؤال انتى مين ؟
قالت انا الانثى و ممكن احلف لك يمين
اتأثر ت بيها و زعلت قوى عليها
و حسيت انى عايز اخدها حضن شوق و حنين
و غافلتها لحظه و مسحت لها دمعتين
و سألتها ليه البكا و اللى بكاكى مين ؟
مين خلى دموعك تجرى ع الخدين ؟
و قطّع هدومك و جرّح الايدين و الرجلين ؟
قالت انا يا صاحبى جرحى من ابناء الوطن و الدين
هما اللى حرقوا قلبى و عرّفونى طعم الانين
هما اللى قطّعوا هدومى عشان يحققوا اهداف الطامعين
و استحلّوا دمعى مع ان دمعى غالى ثمين
و كترت فى حقى الفتاوى و التفانين
لحد ما تعبت مبقتش عارفه اسمع لمين ولا لمين
انا الام اللى ربّت البنات و البنين
و انا الاخت اللى ساعدت اخوها للمستقبل الزين
و انا البنت اللى حطت اهلها فى حبابى العين
انا الانثى رمز الحب و العطاء
انا الام اللى الجنه تحت اقدامها الاتنين
شوّهونى ادعياء الدين و قالوا كل المرأة عورة
و هى صوت الحق و منبع لاى ثورة
قلت قومى يا امى يا اختى يا بنتى يا حبيبتى
متسأليش فيهم انتى مكرّمه غصب عنهم
و لكى مكانه بأمر رب العالمين
..............
عزة الشربينى
إلغاء إعجابي
