صباح الخير
صباح الخير
على اجمل طير
صباح محبة
صباح مودة
وزقزقة عصافير
صباح شعاع الفجر
والنور لما هل وطل
هلت معاه ليالى البدر
صباح مصبح
على ورد فتح
فى كل جناين مصر
اجمل صباح
مع طير صداح
وعبير فواح
صباح صباحين
يا ورد مفتح على الخدين
صباح النور
وطبق الفول
مرصوص على الصفين
وفلافل حامية
من القلاية طالة
وكمان رغفين
وشوية مخلل
ولمونة وزيت حار
كل وادلل
واملى بطنك زين
صحن الفول فى شوارعنا
صحن الفول بيجمعنا
ننسى همومنا واوجاعنا
وندراى دموع العين
ويكون صباحنا
صباح الخير
ابو العبادى
